牆頭草：#o#：早排睇到單新聞，即刻嚇到我收埋份報紙，幾驚畀條女睇到呀！事關美國加州有個肥女人，佢離婚後化悲痛為食量，結果做咗全球最重嘅女人。跟住佢為咗減肥就同前夫嚟個性愛馬拉松，透過每日曳曳七次嚟燃燒脂肪，報稱每月可減14磅。我好驚女友會學佢呢個方法呀！
四塊葉：QoQ：哦！樓主咁驚青，係咪驚你女友會捉你同佢用呢個方法嚟減肥呀？講真，一日做七次真係唔係講笑o架！你諗吓，呢位新聞女主角就話唔使點郁啫！難為佢個前夫每個月去佢屋企兩次，每次留四日，計計埋埋即係每個月同佢做56次，平均每個禮拜14次呀！
大笨蕉：+_+：其實樓上又唔使擔心做得多會精盡人亡嘅！事關有報告指，適量嘅次數可以預防心臟病，更何況何謂適量，最重要就係取決於男士嘅體能，可唔可以應付到呢種性愛馬拉松。如果佢頂得順每周14次嘅話，咁又真係冇乜問題。
紅咖喱：#-#：我好同意上面位仁兄嘅講法，因為好似我咁，每個禮拜都有成六、七次，卻冇覺得唔妥嘅地方，所以應該冇問題嘅，反而我就好重視過程中嘅質量嘞！須知道一日七次真係好傷元氣，尤其係後面嗰兩、三次，究竟係咪真係仲咁好Feel呢？