日本動漫中嘅女精靈，除咗有尖耳嘅特徵外，仲憑住索到震嘅樣、修長嘅美腿同埋玲瓏浮凸嘅身材，而被動漫迷熱捧，因此唔少魔幻作品中，都會有啲咁養眼嘅女精靈嘅身影。好似呢位嚟自日本人氣電玩作《Tales of Xillia》（港譯：時空幻境 無盡傳奇），名叫Milla Maxwell嘅精靈女王，不但識得風、火、水同土元素嘅魔法，仲要係個超索女劍士，又靚又好打嘅佢，試問點可能唔備受熱捧呢？
既然原作中嘅Milla咁索，模型梗係要充分展現佢嘅美態啦！手持魔法劍嘅佢，不但英姿颯颯，性感嘅戰衣亦相當養眼，配合埋迷你裙下嘅美腿，造型絕對吸引！此外，模型嘅雕功亦相當精緻，戰衣、皮帶、長靴等嘅地方亦顧及得到外，佢飄逸嘅秀髮更係忠實呈現，係個相當有Heart嘅作品。
全高：約210mm
售價：約HK$778
暫定發售日期：2012年9月
撰文：魂