日本嘅風俗店一直都以角色扮演為主，多年嚟深受顧客嘅歡迎，日前有成人風俗網站做咗個調查，睇吓喺芸芸角色扮演當中，有冇一啲係顧客一聽見就驚，打死都唔會幫襯，我哋就搵出頭三位嚟同大家分享吓。
六成以上嘅風俗店都以人妻為賣點，但亦有一些另類風俗店以超肥人妻嚟做賣點，個個都二百磅以上，可以話斤両十足，雖然都有唔少支持者，但只屬小眾，絕大部分嘅客人都好怕遇上肥婆人妻，擔心畀佢哋一責落嚟，會出現窒息兼斷骨喎！
喺日本摔角活動仍然十分流行，所以有唔少風俗店，都係以女子摔角手嚟做賣點，呢啲囡囡當中唔少係退役摔角手，所以孔武有力，身手了得，想同佢哋一親香澤，肉體上唔受吓苦都唔使旨意，呢種貼錢買難受嘅行為，真係冇邊個男人會頂得順。
囡囡身穿黑皮衣高跟鞋，手執皮鞭震棒，一睇個造型就已經令人冷汗直標，喺調查中有六成男士拒絕玩女王服務，所以高據第一位，但亦有近四成人接受到呢個玩意，難怪日本嘅女王風俗店成行成巿，睇嚟真係有唔少人，係唔打唔得嘅。
撰文：小德