最近美國底特律有個全國性嘅DJ王大賽，參賽者全部都係當地經驗豐富嘅的士高DJ，佢哋捽碟嘅技巧，個個都可以話係大師級數，但要考驗佢哋嘅並唔係捽碟技巧，而係喺指定時間內，令幾多個囡囡剝光豬跳舞，係咪好有難度兼創意呢？
呢個比賽今年已經係第三屆舉行，每年都會吸引全國自認最有實力嘅DJ參加，但人數真係唔多，好似今年就只得八個人，又難怪，要你利用音樂同講嘢技巧，氹現場嘅囡囡忘情地剝光豬跳舞，決定冠軍誰屬，真係難度十足。賽制係佢哋每晚抽出兩人嚟對決，每人負責兩小時打碟，頭個半鐘頭當作熱身，後面半小時，DJ就要施展渾身解數，令囡囡忘情起舞，以最多囡囡裸露上身跳舞為優勝者，晉級者之後進入半準決賽同決賽，都係以一對一嘅形式嚟比賽。
雖然比賽嘅人數唔多，但咪以為佢哋冇料到，喺初賽階段，被Out嘅DJ一晚都可以令幾十個囡囡剝光豬熱舞，晉級朋友嘅實力，更係可想而知，據稱決賽當晚，有五百位囡囡入場跳舞，勝出冠軍嘅朋友竟能令一半以上嘅囡囡裸胸熱舞，場面十分震撼，真係可以用不可思議嚟形容。原來除咗要囡囡剝光豬，亦有一啲啤酒商贊助嘅派對，會要求DJ叫囡囡用啤酒嚟淋自己，一樣神乎其技，但對於佢哋嚟講只係小菜一碟。下次遇到DJ朋友真係要小心啲，唔係畀佢哋剝咗光豬都唔知。
撰文：小德