最近劉翔又再次參與田徑比賽，一眾翔迷自然激動起嚟，而講起田徑運動，真係唔係咁多人有興趣，特別係女性朋友，但凡事都有例外，今日就介紹兩位喜歡田徑運動靚女畀大家認識，佢哋係日本代表紺野朝美同內地代表徐杉。
紺野朝美嘅名字相信好多朋友都唔會陌生，事關佢喺2001年出道，就係喺美少女團體「早安少女」裏面，由於朝美甜美可人，所以曝光率極高，人氣大盛，但喺06年事業最高峰期暫別娛樂圈，入大學讀書，期間都有出席一啲活動，畢業後就入咗東京電視台當主播。朝美小時候好喜歡田徑運動，中學時代更係學校田徑部嘅成員，擅長跑800m同埋1,500m，家陣做主持，更加關心田徑新聞。唔講唔知，佢仲係空手道啡帶級高手，普通嘅色狼一定埋唔到佢嘅身邊。
徐杉04年出道，初期同朝美嘅際遇差唔多，加入咗「明駿女孩」嘅女子組合，令佢一炮而紅，由於能唱會跳，加上善於交際，於是被公司選為隊長，負責代表團員接受訪問，所以人氣一時無兩。當組合解散後，徐杉就獨立發展，目前除了做節目主持外，仲成為人氣模特兒，而佢亦好喜歡田徑運動，阿妹有170cm高，所以田徑項目比較適合佢，據稱小時候攞過唔少跳遠同跳高嘅獎牌，但近年怕曬太陽，所以都冇再玩田徑運動。
年齡：24歲
三圍：33、22、34
身高：157cm
職業：主播、歌星
年齡：26歲
三圍：34、26、37
身高：170cm
職業：主持、歌星
撰文：小德