早幾年香港嫩模一度橫行，佢哋除咗成日憑住拋胸露乳見報，仲拉隊殺入書展、漫畫展，推銷自己嘅寫真集，更加有位推出埋印有個人性感肖像嘅攬枕，令好多少男都搶住去買，攬住個攬枕嚟瞓，藉此發個春夢。不過，性感攬枕其實唔係佢首創，日本早就有，以動漫女主角形象印製嘅攬枕更加成行成市。如果大家都對動漫女主角有興趣，不妨考慮一下呢個最新推出嘅《迷茫管家與膽怯的我》系列性感攬枕啦。
呢套動畫作品故事都係講少男少女情竇初開，在此費事浪費墨水介紹喇。然而，其中一位女主角涼月奏就不得不提，因為阿妹佢身份高貴，乃係故事入面嘅第一美少女，但係就好黑心，而且好好身材，少男們一定對呢種火辣壞女孩充滿幻想喇，咁就啱晒，因為呢個攬枕就係用涼月奏最性感最誘人嘅姿勢印製，攬住嚟瞓，肯定爽死。
售價：約HK$780
撰文：賢