超級四仔：9^9 嗰日喺個外國嘅四仔討論區度，見到有班四仔迷喺度討論緊美國四仔女星Nicole Sheridan喺戲中嘅高潮係咪真嘅。見到好多人話佢堅高潮，理由係因為佢嘅表情同反應都好逼真，加上佢主演嘅四仔，對手都係佢個老公Voodoo，理論上佢哋咁熟落又經常行埋，Voodoo對Nicole身體咁熟悉，冇理由唔可以讓佢得到高潮。我聽到佢哋咁講，即刻搵番Nicole嘅成名作《The One》嚟睇，佢個水蜜桃High到好似隻生猛鮑魚之餘，潮吹所噴出嚟嘅水量，仲相當厲害添！
匿名神棍：+^+ 我都係個四仔迷嚟嘅，而Nicole嘅作品亦睇過唔少。雖然佢嘅演出既肉緊又反應激烈，但我又唔覺得四仔脫星喺拍四仔時可以投入其中，仲有高潮囉！你知唔知拍四仔時，有一個導演，一個攝影，一個燈光，一個場務，再加一個助理，起碼有五個麻甩佬喺度，邊有咁易高潮呀！更何況去年11月，美國哥倫比亞大學嘅女研究員Farnaz Kaighobadi，對女性假裝高潮做咗個研究，發覺有五到六成嘅女性，曾經假裝過有性高潮，而最大嘅理由就係要取悅男士。為咗討好對方扮High，更何況係脫星？扮高潮都好正常啫！
芝麻六：#^# 有過半美國女性扮有性高潮，呢件事說明咗乜？唔係佢哋條仔嘅床技唔夠好，就係佢哋相當體貼，見到條仔做到身水身汗，若然唔畀啲反應嘅話，容乜易做到天光o架？相對我條女咁，如果我表現差啲，莫講話假扮高潮，仲會一腳踢我落床添！不過話說回來，如果條仔勁加上囡囡體質敏感嘅話，女人喺一個鐘內嘅高潮數量，真係可以嚇親你！翻查番紀錄，喺1974年時嘅美國，兩位醫生William Hartman同Marilyn Fithian進行過有關女性高潮次數嘅研究，曾有女性喺一粒鐘內，有過134次性高潮，呢個真係世界紀錄呀！
大鐵人：6<6 見到大家講高潮，講得咁慶合合，其實大家知唔知以前嘅西方女性，係唔可以表現出有性高潮呢？Faramerz Dabhoiwala曾經出過一本叫做《The Origins of Sex: A History of the First Sexual Revolution》嘅西方性愛研究書中提過，十六到十八世紀嘅歐洲女性，係唔可以喺伴侶面前，表現出有性高潮。理由係因為當時嘅觀念認為，女性高潮係淫蕩同邪惡嘅表現，仲會因此畀人歧視。照咁睇嘅話，家陣嘅男人真係好幸福，事關唔使對住條死魚曳曳嘛！否則，又邊有咁高潮迭起，反應十足嘅四仔畀你睇呢？