天台玫瑰：我個夾Band男友唔知係咪因為玩得重金屬音樂多，平日已經勁爆屋企個喇叭，就連上床佢都要開大個喇叭嚟曳曳，低音之爆，高音之勁，我哋都唔使郁，張床已經搏命咁震！我有試過同佢講，叫佢咪再爆住Hi-Fi嚟玩，佢話咁樣會High啲喎，真係激死呀！
兩點不露：我以為只得我條仔有咁嘅習慣咋！我都有你咁嘅情況，最初我都忍吓佢，點知佢繼續係咁，有次我終於忍唔住，全程曳曳時我都好似死魚咁粒聲唔出。佢覺得好奇怪，問我點解一啲反應都冇，我就同佢講，反正我叫你都聽唔到，結果佢只好乖乖哋收「聲」。
火速瀟瀟：睇樓主咁嘅情況，開到個喇叭拆天咁，都冇畀鄰居投訴，睇嚟你屋企嘅隔音做得好好喎！不過話說回來，你條仔又係嘅，搞到咁嘈都只不過係佢一個人Enjoy，一啲都冇諗過你嘅感受。如果佢係我條仔，早就飛咗佢啦！唔想繼續畀佢嘈，最好方法就係偷偷哋賣咗套音響。
情陷西環：你條計仔都幾好喎！因為我條仔都係咁o架，只係唔爆Hi-Fi，而係爆屋企個電視。為咗唔想畀佢嘈到我乜嘢性趣都冇晒，有次我行經音響產品舖，買咗個Wi-Fi耳機畀佢，等佢曳曳時笠住個頭，唔使嘈到我，呢條計仔好使得，樓主不妨試吓！