有攝影師朋友指點過小弟我，佢話拍內衣照比拍泳衣照難度更高，原因在於內衣係貼身用品，除咗講美觀，仲要功能實際，例如要有托胸或托股效果，若然模特兒身材唔夠好，尤其係肉地唔夠彈性，就會令套內衣着上身嘅時候凸顯唔到相關效果，到時就要畀廣告客戶請食貓麵喇。其實，如果佢哋識得搵內地嫩模界中嘅內衣女王夏菲做模特兒，咁就一啲難度都冇喇。夏菲妹真係索到離晒譜，眼大大夠精靈之餘，面上青春可愛嘅氣質仲濃郁到震。不過，當大家欣賞埋佢嘅身材，可能仲會打個冷震添。身高5呎4吋嘅阿妹三圍有33-23-34，應大則大，應細則細，肉地彈力十足，而且皮膚幼嫩，所以好多內衣品牌都搵佢拍廣告，利用其嬌美胴體嚟襯托內衣產品，效果出眾。