如果大家駕車外遊期間，突然見到一個裸女，唔知會唔會睇得甚是高興，繼而引發失控意外呢？相信機會頗高，不過，世事無絕對，見到裸女未必人人高興，而期間就算已經停車都會有意外發生，咁離奇？冇錯，早前美國加州出現咗一次奇情意外，當日John Knight駕車出街，見到紅燈停車之際，一個用毛巾包住身體嘅250磅重量級女士殺出路面，仲面向阿John。突然，該女士將毛巾除低，露出赤裸裸肉騰騰嘅巨型胴體，仲踩上阿John架車，繼而出腳重擊車頭玻璃，阿John見到如此駭人嘅胴體已經嚇親，仲畀佢咁樣襲擊架愛驅，真係幾乎嚇破膽，真係食晒個海嘅珍珠都定唔到驚。