為咗脫離都市嘅煩憂，好多人都會選擇於假日，去到新界搵塊田耕兩耕，享受一下田園生活以及農耕樂趣。如果大家真係咁鍾意農家樂，大可以考慮響應一下，奧地利嘅一個2013年農家月曆封面照招募活動，不過呢個農家月曆唔係一般月曆，而係性感火辣嘅裸體月曆！負責人表示，月曆製作嘅目的係藉住美女同俊男性感火辣胴體，宣揚一下農家樂同各地農村文化喎。至於大家有心支持，但係冇心拍裸照寄過去參選做封面，亦可以學小弟咁，計劃待月曆推出嘅時候，買個嚟細心欣賞一番。