經常聽到男女閨房嘅爭拗，都係嚟自於習慣上嘅問題，好似有啲男人鍾意開住燈曳曳，有啲女人則點都要沖完涼至開波。其實唔少囡囡都有唔同嘅埋牙癖好，好似有朋友曾經遇着個球迷囡囡，正當佢想同囡囡埋牙之際，囡囡突然叫停，然後走去開着個電視，要睇紅魔對車仔。老友問佢唔睇得唔得，點知囡囡卻話邊睇波邊曳曳至夠High，真係畀佢吹脹！
仲有一個囡囡更離奇，上床前先要用部手機播音樂，若然播嘅係的士高音樂，曳曳時都起碼可以攞番個節奏吖！點知佢播嘅係啲老套都爆炸嘅普通話舊歌，聽都已經聽唔明，又要開到大一大聲，叫人有乜心情玩？不過講到最離奇嘅，係遇到個囡囡，佢要將啲枕頭排到相當整齊，唔準人哋整亂。如果係隔籬床嘅話都冇所謂，可是自己張床嘅枕頭，玩得一陣都會郁到亂晒啦！佢卻要即時叫停，整番企理個枕頭，先畀你繼續落去，你話係咪爪爆頭呢？
特攻語錄：怪事年年有，囡囡更係多，睇波又聽歌，認真奇怪囉！
撰文：鋼炮仁