唔少玩家身邊都留咗幾個「飯盒」，既方便冇女時，可以搵佢哋重溫舊夢，又可以叫佢帶啲姊妹出嚟，而玩家再約埋班老友出嚟齊齊玩聯誼。可能有人會問點解係聯誼，乜唔係帶啲姊妹出嚟，畀其他人食咩？梗唔係啦！人哋嚟玩咋，玩得啱去開餐好正常，玩唔啱咪以為畀錢就大晒呀！
話說朋友A有個幾高質嘅飯盒，而佢班姊妹嘅質素更係相當高。朋友A嘅老友見過飯盒姊妹嘅相，個個即刻起痰，叫朋友A個飯盒搞番個姊妹聯誼。既然老友有要求，朋友A梗係即刻做嘢啦！到咗嗰日，眾人上到量販式卡拉OK，就見到一眾索女已經嚟到。唔知係咪朋友A班老友，個個喺夜總會玩開關係，竟然一坐落嚟，就對班女又攬又拖。起初班女以為係玩吓，點知佢哋發覺班仔對手開始唔規矩，居然開始摷佢哋裙底。須知道班女雖然係囡囡，但平時係收錢至畀人摷、畀人咀，家陣出嚟玩，冇理由咁蝕底，自然黑面兼發老脾。眾男猶不自覺，當中竟有人大大聲話：「等陣畀番錢你囉！」正所謂士可殺，不可辱，眾女聞言即拉隊走人，你話幾咁冇癮呢？
特攻語錄：聯誼為開心，擒青嚇壞人；長線釣金魚，就唔使咁瘀！
撰文：鋼炮仁