出張風俗店嘅運作，一般都係客人登入網站，然後揀啱自己心水嘅服務同囡囡，之後就要一支公喺酒店房等囡囡上門，過程都幾悶，於是有風俗店就提供「愛的電郵」服務，揀啱嘅囡囡就可透過手機傳情達意。
聽落好似好普通，但咁嘅橋就一直冇人用，客人喺等囡囡上門嗰半小時，就會十分苦悶，唔知做乜好。而呢間叫做愛的電郵風俗店，就睇到呢個需要，要求囡囡接到客人嘅Order後，就要同客人開始短訊傳情。最先就自我介紹，並且多謝客人嘅點名，跟住互相認識一下對方，之後少不免講一啲色情說話，囡囡就會主動問客人陣間有啲乜嘢特別需要，客人說出後，囡囡就會話對方討厭或者急色鬼，總知打情罵俏，利用短訊做好熱身運動。
家陣手機十分普及，發短訊更係每日必做嘅事情，喺搭車上門期間同客人打情罵俏，對佢哋嚟講絕無難度，加上一啲樣貌較輸蝕嘅囡囡，更會透過呢段時間，希望以有味嘅文字，留住客人個心，到開門揭盅時，都唔會因樣貌差而彈走，而除咗事前短訊外，佢哋仲會有事後短訊，類似感謝客人令佢哋享受到前所未有嘅高潮等，都係啲擦鞋嘅說話，但客人卻十分受落，所以生意非常之好，但幫襯完記住將啲短訊刪除，否則就大件事啦！
撰文：小德