幾份人合租一間屋，既可分擔租金，食飯又唔使成日孤零零咁對住道牆，感覺溫馨好多。美國洛杉磯就有啲公寓，不但讓人合租，而且公寓嘅作風仲相當開放，住客可以隨時搭上其他租客，想幾時曳曳都得，仲要定期有淫亂嘅聯誼活動，認真係滿室春光！
呢間名為「Live together， happy together」嘅公寓，本來係由幾個思想開放嘅男女夾份買落嚟，作為成班人玩大淫亂嘅架步。隨住後嚟陸續有新人加入，於是佢哋索性喺網絡做宣傳，吸納有興趣嘅人加入佢哋大雜燴軍團，成為胡天胡帝嘅一分子。點知呢個Post貼咗出嚟後，居然吸引過百名男女報名。雖然話呢間公寓作風超開放，但係想入住亦唔係容易，除咗因為租金唔算平，每個月要成八百美元，折合約為六千二百港元之外，輪候名單更係長到爆，而租客更要經過無犯罪記錄、健康等審查，同埋一系列保密、行為等協議，以保障其他住客嘅安全。
為咗保持公寓內男女比例嘅平衡，呢間有八間房嘅公寓，會因應男女數目作出調整，以保證人人有得食。此外，咪以為係人都可以上床，想曳曳就可以即刻入房，原來公寓仲會定時定候搞聯誼活動，以拉近住客之間嘅關係。每個禮拜搞派對當然唔少得，間中仲舉辦生日派對、啤酒派對、四仔欣賞會等活動，務求畀到大家生活新意思。可能有人會問，如果幾個男士同時吼中同一個索女，咁又點算呢？據講按照公寓規定，如果該女士唔想玩一后多王嘅話，男士係唔可以夾硬嚟，否則會被逐出公寓。故此，當索女同男士曳曳緊嘅話，其他男士就要喺門外等吓喇！
有喺度住咗兩個月嘅玩家就話，雖然睇起嚟好似好淫亂，但其實佢哋並非日日夜夜都喺屋內交歡，反而因為大家都有肌膚之親關係，感覺真係好似一家人咁。有時佢哋會成班人玩吓煮飯仔，又會齊齊去海灘打波，相對一般住客之間不瞅不睬嘅公寓，呢度有人情味得多！當然，既然入住得呢個公寓，曳曳自然係重點。呢位玩家表示，佢最記得喺平安夜嗰晚，成班人喺度玩狂歡派對，邊飲酒、唱歌，邊瘋狂曳曳，玩到攰咗就席地而睡，瞓醒又再次曳曳，真係勁瘋狂呀！
撰文：峰魂簫