王先生來信：太太最近愛上看恐怖片，每晚瞓覺前都要睇，唔睇就會唔舒服，但睇完佢又怕，成晚疑神疑鬼，但最麻煩都仲係連性事都唔想做，我已經兩個月冇喺夜晚做過，現想問睇恐怖片是否會影響性趣，萬一真係，而老婆又要睇嘅話，有乜嘢辦法可以取得兩者平衡呢？
答：以上嘅問題，喺西醫方面，只屬心理問題，但喺中醫角度嚟講，就比較擔心，由於驚恐過度係會傷腎，腎功能受到影響，性趣自然會大減，而且瞓覺前睇，入睡後可能繼續做噩夢，令腎臟受傷害嘅時間加長，後果嚴重。當然，盡量勸止太太喺瞓覺前看恐怖電影，係最正確嘅辦法，但你太太點解會咁喜歡睇恐怖片，追求驚慄嘅效果呢？可能係預示腎功能正在衰退，所以要借助睇恐怖片嚟刺激，建議你先帶太太去檢查一下腎臟功能，如果有問題，就要及早治療，正確地對症下藥。
撰文：陽起子