提到民歌，大家可能只會諗起區瑞強，除咗因為強哥佢真係唱得出色又有感情，盡展民歌應有嘅風格之外，亦因為不少後生歌手嫌民歌老餅，而唱嘅人亦係老餅，所以較少走這條路線。不過，事實並非如此，好似今次為大家比併嘅兩位美女同樣係唱民歌出身，一樣索到啪啪聲！
雖然話做歌手，最重要就係擁有好歌喉，不過家陣好多女歌手都夾住美貌同豐滿身材出道，以滿足各位男樂迷嘅要求，所以第一個回合就先鬥美貌。王雯能夠於內地芸芸超索嫩模當中站得住腳，其美貌梗係出眾啦。一張瓜子口面配上精緻五官，加上迷人而深情嘅眼神，王雯嘅美貌確係迷倒眾生。至於吉木莉莎則青春可人，散發一派可愛而陽光嘅玉女氣息，其面孔更加被朝日電視台嘅節目《日本演員人名簿》嘅主持人，評為合乎美貌黃金比例，絕對係頂級美人臉，有此銜頭頂住，吉木莉莎當然係稍勝半個身位啦。
要歌唱唱得好，一定要夠氣至得，好似美國歌手Katy Perry以及Beyonce咁，都擁有巨肺，故此唱歌夠響亮夠激情。而二人除咗一樣氣量十足，亦同樣被人認為上圍豐滿，以此為據，我哋可以粗略、簡單兼夾斷估咁訂出代表巨肺嘅方程式。雖然吉木莉莎嘅胸圍尺碼只得32，但係見佢換比堅尼上陣，亦輕易夾出事業線，同時可見其胸部分量十足。而王雯擔任模特兒嘅時候，不時會以低胸裝拍攝，深長乳溝一樣有得賣，分量同莉莎不相伯仲。
正如上文提及，家陣女歌手要滿足男樂迷除咗要唱歌叻，仲要有美貌，最好就係擁有一副好身材啦。吉木莉莎同王雯都擁有分量唔少嘅上圍，同時又擁有水蛇纖腰，上三路等級相同。至於下三路嚟講，莉莎高度為5呎4吋，合乎標準，但係一同王雯鬥就差一大截喇，事關雯妹高達5呎9吋，一對修長美腿更係誘人之極，一比之下，莉莎輸晒。
出生日期：1987年7月27日
身 高：5呎4吋
三 圍：32、23、35
工作資歷：小時候嘅吉木莉莎夢想成為漫畫家，不過讀到高中嘅時候，某一日被星探發掘，將佢帶入演藝界，不過就唔係做流行歌手，而係唱老派嘅演歌同民謠，因為佢小學時期學過相關課程，所以對此完全冇抗拒，歌藝更備受賞識。之後，阿妹由於擁有一張動人俏臉以及婀娜多姿身段，所以就被邀請拍水着寫真。起初父母親都反對，但係見阿妹已經滿20歲，就由得佢自己揸主意。從此，莉莎妹就以演歌、民謠歌手以及水着女優作為自己嘅職業。
出生日期：12月16日
身 高：5呎9吋
三 圍：33、24、35
工作資歷：王雯既係歌手，亦係演員同模特兒。能歌善舞嘅佢畢業於西安音樂學院，之後漸漸踏足舞台獻唱，同一時間又跟隨中國著名歌唱家馬秋華進行訓練，歌藝日益進步。到2008年嘅時候，王雯參加第十三屆CCTV全國青年歌手電視大獎賽甘肅賽區，憑住出色嘅歌藝奪得三等獎，之後參加北京大興區全國我型我秀民歌比賽亦得第四名。由於阿妹歌藝出色，美貌與身材兼備，所以後來加入埋模特兒界，亦有參與唔少電影同電視演出。
撰文：祖