早前，導遊阿珍事件成為全城熱話。最近，內地又傳出一樁火爆女導遊事件，不過，班遊客就完全冇怒火，有嘅相信只會係慾火。內地網絡最近有一輯名為「史上最拉風的美女導遊」相片，圖中可以見到一名只係着住底褲，上身披上薄薄透視裝嘅女子於巴士車廂面對遊客，睇見就令人慾火上升！繼而惹起網民熱烈討論，有人就質疑相片嘅真確性，另外亦有人懷疑呢個可能係遊客，未必係導遊，不過，可以肯定嘅係同車嘅男性遊客一定睇到火辣辣。
要數近年最爆嘅抗議分子，絕對唔少得曾經榮獲本欄多次報道嘅烏克蘭女權分子FEMEN，因為佢哋次次上街抗議都露出雙乳。正所謂人怕出名豬怕肥，咁出位嘅FEMEN就係因為知名度太高，所以最近就有人假扮佢哋。早前，意大利一個電視台節目「Chiambretti Sunday Show」做直播嘅時候，主持人就為觀眾介紹一班真空上陣，只係身穿白色恤衫，但係完全冇扣鈕嘅節目嘉賓，主持人仲指出佢哋就係世界知名嘅FEMEN女成員添。但係，正牌FEMEN好快就喺官方網頁表示，佢哋絕對唔會上娛樂節目做嘉賓，指出該班露乳妹其實係冒牌貨，仲話唔排除會告呢個節目添。其實佢哋唔使咁慶吖，有人冒牌就代表有知名度，當做宣傳都好嘛。
撰文：賢