過年後北上夜遊，有老友就畀人敲腳骨，真陰功！話說有老友去夜場玩，玩完之後一落樓，就有個男人走埋嚟搭佢膊頭，老友回頭一望，係個剪平頭裝嘅大漢，老友唔識得佢，大漢一連問老友上面好唔好玩？搵咗邊個囡囡？抵唔抵玩？老友以為佢都係同道中人，唔覺意就話唔錯，五百八人仔全套。大漢就即時變臉，話可以拉佢召妓，罰款五千，仲可行政拘留15天，老友大吃一驚問佢係邊個？大漢笑笑口指指身後不遠處一架公安車，老友見到車內有兩人在交談，其中一人更不時望出窗外，於是老友即時腳軟求情，那男人見狀又笑笑口話新年流流大家都唔想多事，隨手仲畀個利是封老友，老友明白要回封大利是，於是塞咗幾百蚊入去回畀對方，大漢就笑笑口叫佢走喇。老友梗係即時雞咁腳走啦，但事後心諗個大漢究竟係老千定係相關人員，都不得而知。