北上全面體:骨場女經理背後的男人

春節過後好多骨場都會大換血,特別係管理階層,好多時都會變晒,而近年負責領軍嘅話事人,竟然係以女性居多,而呢批女經理當中,好多都係年輕靚女,年紀輕輕就獨擔大旗,好多傳聞都話佢哋背後一定有位有勢力嘅人士撐腰,究竟係咪呢?

大客撐腰

內地桑拿網站最近就做咗個調查,原來佢哋背後真係有猛人撐腰,至於係乜嘢猛人?我哋就照調查結果同大家報道一下。女經理背後嘅男人第四位,就係桑拿場嘅大客戶,由於佢哋經常都會嚟捧場,手頭上有批「桑拿腳」,只要呢個大客一吹雞,每晚都有十零廿人嚟捧場,所以佢哋嘅女人,就可以特別提升。至於第三位就係桑拿嘅高層,一般都係老總級嘅女人,佢哋喺骨場認識,之後就提升佢哋做管理層,一來可以令女友賺更多嘅錢,二來可以幫自己手嚟管理,所以老總嘅女人佔第三位。

老闆情人

至於第二位就係老闆嘅情人,由於一間桑拿場投資上千萬,可能有幾個老闆出資,為咗睇住啲生意,老闆都會安插一個自己人落去,而安排女友或情人落去做經理就最常見,所以大家記得咪亂溝啲女經理喇,隨時係老闆娘都唔定!至於女經理背後嘅男人第一位,最多嘅原來係外面嘅勢力人士,各方面嘅大哥級人馬,由於同夜場有千絲萬縷嘅關係,但有啲錢銀又唔方便直接交收,於是派個人以打工名義收取,絕對係神不知鬼不覺。所以無論係開邊瓣,女經理都係溝唔過呀!

撰文:小德