亂世玩溫和就預咗被對手一沉百踩！就好似美國有個總統提名參選人，因為走溫和形象，立場未夠鮮明，結果初選得票勁低，因而退選！但同樣陰聲細氣嘅溫和派脫星Private School Jewel就話做人低調冇問題，更冇下台壓力，繼續無聲陪跑，希望佢守得雲開啦！
溫和派脫星並非唔好，只不過玩咗幾年都係咁，難免令人覺得佢虛偽囉！由08年開始 Jewel就以勁溫柔形象加入四仔界，暫時未有個人大作，只係不時喺四仔中客串，而每次演出，例牌係怕怕醜醜，欲拒還迎咁；頭幾次睇就好過癮，但4年嚟都係咁，你唔悶我都厭啦！好可惜，經理人公司同佢都冇諗過要改變形象，即係會繼續賣弄清純，阿妹認為每位脫星都有個人喜好，而佢亦非常滿意目前形象，會以行動取悅影迷。「市場上每位脫星都有個人形象，雖然癡女較容易被外界接受，但並不代表人人都可以做好癡女角色！至於我外形同性格都適合走清純唯美路線，目前都唔覺有大問題，因此我冇考慮過要轉型！」
查實唔係 Jewel冇諗過轉型，只係佢都冇計啫，若然大家有留意，講身材佢未夠資格做脫星，論樣貌又好似永遠長唔大，走清純路線係唯一選擇，簡單講即係焗住囉！當然佢本人就唔會認衰，但事實可見，一名出道4年脫星，至今都未有大作，閒時透過網上同影迷打交道，人氣高極有限，公司對佢信心有幾多大家可想而知。阿妹今日仲企得住腳，或者係公司唔使揼太多錢落佢身上，清純形象又唔使靠谷，至由得佢自由發揮啫！雖然話淫亂不堪嘅四仔界中出現一道清泉係好事，但現實你飯都冇得開，睇你又撐得幾耐？
出生日期：1988年1月6日
三圍：35A、26、36
身高：5呎8吋
網址：www.privateschooljewel.com
內容：四仔大作就冇佢份，但阿妹寫真就出奇地多，幾乎每日都有靚相更新，滿足一眾毒男。今年起，Jewel更開始拍自摸短片，玩吓校服制服，算叫有進步喇！
撰文：祖