好快就到農曆新年，深圳同東莞嘅夜場，有四成左右會關門，有六成開門嘅相信都係提供有限度服務，事關囡囡真係走咗唔少，好似有間相熟嘅中型骨場，佢哋原本有80個囡囡，但家陣只得番40人唔夠，但老闆決定繼續營業。而老總就頭痕，於是問我意見，我話好簡單，首先就係縮短營業時間，老闆話要開工啫，冇話開幾長，如果照舊廿四小時，40個囡囡一定撐唔到，所以集中火力，只由下午四點做到凌晨四點。另外，提高服務費一至兩成，過年嚟幫襯嘅客人，十居其九都係有錢冇碇使或者骨癮好大嘅朋友，要佢哋使多一百幾十，絕對冇問題，而增加嘅收入，就用嚟重賞囡囡，正所謂重賞之下必有勇夫，囡囡有錢搵，自然搏命做，而且仲可以吸引一啲客串嘅囡囡嚟兼職，增加供應量，咁樣頂一兩個星期都冇問題啦！