怕醜仔：趁住嚟緊嘅元旦假期，屋企人又去晒旅行，諗住叫女友上嚟住番幾日，既可以同佢過吓同居嘅生活，又方便曳曳，唔使吓吓去酒店爆房咁辛苦。我哋已經準備好大量安全套，唔知仲要準備乜嘢，迎接呢次長期作戰呢？
人細鬼大：嘩！你女友專登上嚟，同佢過番個淫慾假期，佢對你真係好呀！不過唔知你屋企人，知唔知道你會叫女友上嚟住呢？話說回來，我覺得最好就係準備多幾張床單囉！因為搞污糟咗唔使即刻洗，又唔會搞到張床污糟邋遢。
笑面具：準備玩足幾日咁開心？真係令人羨慕呀！我覺得最重要嘅，係要準備好情趣玩具囉！你知啦！晚晚都係咁玩好容易會悶，如果冇啲情趣玩具助吓興，又點能夠保持到新意呢？一於買定震蛋、震棒、按摩器等嘅玩具，玩餐勁嘅！
心水清：其實想玩床戰馬拉松，有冇玩具同床單都唔重要，最重要就係你副偈應唔應付得嚟。萬一你第一晚已經玩到精疲力竭，相信你女友第二日就會走，故此壯陽補品當然唔少得，仲要識得留力，咁先至長玩長有架！