常言道「男人不壞，女人不愛」，查實相反亦然，女人愈壞，男人就愈啱。當然，只係得個壞字係唔夠嘅，如果想打動男人，不但要有玲瓏浮凸嘅波哋、電力十足嘅媚眼，仲要風騷入骨，先至可以讓男士拜倒其石榴裙下。今日兩位分別嚟自內地嘅人氣女模陳曦予，同埋日本人氣水着女優池田夏希，同樣咁索嘅靚女，邊個先至係男人眼中最誘人嘅情人呢？
原因：要做一個出色嘅壞情人，前凸後趷嘅身材梗係唔少得，否則點能夠贏得男士嘅寵愛呢？陳曦予作為內地人氣女模，波哋當然無話可說，一米七五嘅身高，加埋卅四吋嘅上圍，同埋一身雪白肌膚，名副其實索到爆！日本水着女優池田夏希，身材亦唔講得小，米七嘅身高，雙峰居然有卅五吋之巨，具有空前嘅壓迫性，更能觸動男士嘅眼球。
原因：女人要識得放電，先至可以將魅力發放到極致，而講到一雙迷人嘅電眼，兩女實屬平手。先睇吓陳曦予對眼，一對丹鳳眼迷人又帶有少許矇矓美，畀到男士不少嘅遐想，若然同佢眼神只係接觸短短一秒，都會畀佢電親。至於池田夏希，一對誘人美眸亦係電力十足。事關佢對眼大得嚟，卻極具靈氣，就好似識得同你講嘢咁樣，一個唔小心都會畀佢電親！
原因：日本代表池田夏希唇邊一粒美人痣既銷魂，感覺亦極為風騷，騷味實在難以抗拒。不過相對於內地代表陳曦予，卻係稍遜一籌。皆因陳曦予不但表情同肢體語言十足，每次影相都貌似冰山美人，動作卻讓人感受到佢內裏嘅火熱，加上佢唔介意半裸嘅演出，玲瓏浮凸嘅身材固然一覽無遺，大膽嘅舉動更係扣人心弦，確係風騷入骨！
含羞草：壞情人嘅重點，係要讓人又愛又恨，而只有陳曦予先至可以畀到我呢種感覺。因為佢外表有啲壞壞哋嘅味道，加上敢愛敢恨嘅個性，實在讓人難以抗拒。
河邊隻羊：我就梗係撐池田夏希啦！單係佢嗰粒美人痣，就已經讓我忍唔住想有一親香澤嘅衝動。就算我有女友，都甘願背住佢，同池田夏希一腳踏兩船呀！
出生日期：1990年10月24日
三圍：34、24、36
身高：175cm
工作資歷：內地人氣平面模特兒同車模，經常成為男士雜誌、化妝雜誌等嘅封面女郎，而喺各大小內地車展，都可以見到佢嘅身影。
出生日期：1987年6月24日
三圍：35、25、37
身高：170cm
工作資歷：日本人氣水着女優，除咗推出其個人寫真外，呢兩年更經常演出舞台劇，同埋參加電影演出，向着多棲發展而努力。
撰文：峰魂簫