日本同韓國都係亞洲時裝界嘅潮流指標，好多日女同韓女亦因為識得打扮，所以成為亞洲男兒嘅女神，亦令唔少內地嫩模趨之若鶩，依從呢兩個潮流去裝身，好似肖紫柔咁就內內外外都咁韓氣逼人喇。紫柔出生於哈爾濱，2002年嘅時候參加一個模特兒大賽，並成功奪得亞軍席位，從此就成為一名人氣嫩模。之後，阿妹參加過唔少嫩模比賽俱贏得佳績，例如於哈爾濱丁香形象大使當中奪得最具潛力新人以及最佳身材獎。由於知道好多嫩模都以日系打扮為主，紫柔就另覓出路，以韓系打扮示人，大家可以見到阿妹佢無論化妝定係衣着都極有韓女Feel。除咗外在美，阿妹佢仲學埋韓語，真係韓到入心。