早幾日，小弟同師傅飲茶，佢提到家陣香港好多酒店都加晒價，原因唔係因為遇上聖誕新年檔期，而係因為未來有好多大型博覽會舉辦。不過，呢類博覽會多以商家為主要目標，我哋普羅市民就未必有興趣，吸引力遠遠不如美國嘅Adultcon。
由於近年，各地社會對性事已經冇再咁忌諱，加上AV文化同情趣用品普及，所以好多地區都放寬對性博覽嘅開展，係我哋香港仲係咁保守，容納唔到呢類精彩博覽，真係諗起都有少少傷感。不過，對此有興趣嘅香港朋友都唔使流眼淚，因為鄰近嘅澳門每年都有亞洲成人博覽，廣州亦有，另外台灣又有。如果大家想欣賞到更大型、更多歐美四仔女優出席嘅性博覽，就要飛過去美國，參加Adultcon喇。Adultcon已經舉辦十年，每次都有超過4萬人次入場，證明吸引力非凡。Adultcon每年都會舉辦約四次，兩次喺洛杉磯，兩次就喺拉斯維加斯，剛剛於本月9至11日完成嘅一次就係洛杉磯嘅一屆喇。大家唔使擔心要隔好耐至可以再參與喎，因為來年1月12至14日喺賭城又有，到時大家咪錯過喇。
講咗咁耐，仲未介紹Adultcon有咩精彩節目，小弟真係有點唔好意思，在此為大家詳述一番。Adultcon係世界其中一個最大型嘅性博覽，場館面積超過六萬九千平方呎，不過入到去一啲都唔會覺得空曠，原因係活動吸引大量四仔片廠商以及情趣用品商參展。為咗推銷作品，四仔廠商真係不遺餘力，多下令旗下女優空群而出，而且性感上陣，所以入到去梗係見到波影重重，搞到自己流連忘返。至於情趣用品商亦不讓四仔廠商專美，因為佢哋好多都同四仔廠商拉上關係，所以亦會請來索爆又火辣嘅女優到攤位推銷，又增加場館中嘅春光。
除咗館內嘅大量性感女優，舞台上嘅表演同樣精彩，因為活動一開幕，表演就會不斷上演，當中包括脫衣舞、鋼管舞、真人騷、SM玩法示範，又或者係由女優上台跳舞等等。轉到台下，部分攤位亦一樣有表演可供欣賞，仲有工作坊同講座，指導大家如何享受床上交歡，甚至有專家傳授麻繩綑綁大法添。此外，不乏互動環節，包括脫衣撲克比賽、沙灘排球、籠中共舞等等，節目俱有四仔女優同參加者互動，畀機會對方大吃豆腐。而提到互動，有膽識嘅朋友仲可以同女優嘗嘗激情演出，例如試吓畀女優鞭打或綑綁，甚至可以品嘗到顏面騎乘嘅滋味添。
撰文：小德