渡海濠情：技師頂級裝備 貼士梗要畀！

敬業樂業

查實對桑拿技師嚟講，做到有返工冇放工即係代表人客多、搵到食，乜得帝濠桑拿技師喵喵竟然咁好火，帶頭投訴，莫非阿妹唔憂做？佢解釋：「多多客我都想接，就算三個一齊嚟都未驚過，但問題係日做夜做冇停手，囡囡又冇得揀客，惡性循環只會影響服務質素，對買賣雙方都冇好處！」細佬明白，之不過阿妹你拋個身出嚟無非為搵食，質素嘅嘢夜場唔在乎、人客未過問，阿妹你又使乜咁在意先？「你咁講就太短視喇！事關作為桑拿技師，技術行先，架生站後，若然我哋服侍人客唔舒服，又點可以留得住佢哋嘅心呢？因此，做到服務滿意係標準，令人客回味至係我嘅要求呀！」嘩！咁偉大嘅技師，細佬都係第一次見囉！

以作鼓勵

更好笑嘅係喵喵同消防員爭取利益嘅口號幾乎如出一轍。「世界級裝備又如何，還我合理貼士$480！」阿妹非常感慨表示，佢哋一班姊妹架生都係世界級水平，無奈人客一啲都唔識欣賞，淨係識得破壞，好似佢話啲人客都係動作粗粗鹵鹵，搞起嚟勁性急，一啲都冇話憐香惜玉喎！喵喵話：「你睇我副架生，就知乜嘢叫完美啦！人客都識睇，不過唔識好好欣賞，最討厭係佢哋動作粗獷，假如溫柔啲，大家都Happy啲啦！」粗鹵溫柔唔到囡囡控制，反而阿妹極力爭取貼士480又點解呢？「以我經驗所得，有小部分人客仲未覺有需要畀貼士，其實貼士係打賞亦係鼓勵，對技師好大鼓舞，但亦有小部分人客只會畀一兩百作貼士，咁實在太少，因此我希望將最低貼士定為480，咁就最合理！」哈，所謂合理原來都係由囡囡講晒，咁不如定48或4,800啦！

阿妹認為有需要制訂最低貼士以作對技師鼓勵！

喵喵自言具世界級裝備，無奈人客唔識欣賞喎！

喵喵 Profile

三圍：34-24-34

身高：5呎6吋

撰文：祖　攝影：章