最近日本有成人網站訪問咗十幾位專門拍攝AV女優寫真嘅攝影師，原來佢哋收入十分微薄，每次出動拍攝要租埋地方買埋道具，收入冇得幾多剩，有時連車錢都要自己貼，點解仲肯捱落去呢？原來工作過程有好多其他着數，今日就為大家一一踢爆！
資深攝影師杉山先生說：「我哋呢班攝影師都係兼職為主，雜誌社約咗女優影相，就會安排我哋去拍攝。由於女優係知名人士，一定要租場地拍，我哋份人工差唔多畀晒落租場費度，有時連食飯都要靠女優嘅經理人關照，講出嚟都幾失禮。完成拍攝後，仲要黐車坐出市區，有時架車坐滿人，惟有自己貼錢坐車……」收入咁少，點解仲肯做攝影師？唔通啲女優會有特別照顧，杉山先生話：「我都想，但每次都有經理人、助手瞄實，唔好話照顧，有時多手摸吓都冇我份！」
「不過，拍攝AV女優都唔係冇着數嘅，我哋影影埋埋咁多相，除咗會攞部分相返雜誌社，仲會將部分相賣畀製作公司做宣傳照，再唔係賣畀啲粉絲，每次都可以搵到三、四萬日元o架！」計落條數，即係三、 四千蚊港紙，一個月有得三、 四次，又確實搵到食喎，但一旦粉絲少咗買相，可以點算？「梗係有計啦！可以攞女優着過嘅泳衣底褲放上網拍賣，一樣係條財路。」其實杉山等人之所以肯咁樣捱法，無非希望有朝一日，等自己影過嘅女優成名，之後做到佢哋嘅御用攝影師，自然可以名利雙收。「家陣好多大牌攝影師都係拍鹹書出身，所以我哋先肯咁辛苦捱落去咋！」原來如此，果然係其志可嘉。
撰文：小德