正當朗尼熟睡之際，突然雙眼被強光射中，刺眼嘅光芒令佢即時「扎」醒，並發覺自己身處一個陌生房間當中。朗尼隨後再向露台一望，只見到一個身穿低胸睡裙嘅女同事姬蒂，於是即刻問：「呢度係？」姬蒂坐到床邊好溫柔咁話：「你瞓緊我張床呀傻豬。你尋晚同班同事飲得太醉，送咗我返屋企之後，就瞓低咗喇。」朗尼驚叫道：「唔係啩？咁尋晚我有冇做過？」姬蒂忽然伏到佢心口，嗲聲話：「就係冇我至知你係正人君子囉。你瞓低咗之後，我諗住幫你解開衫鈕，等你抖氣容易啲。但係你以為我係其他女仔，即刻撥開話『唔好掂我呀！我個心只有姬蒂一個咋！』呢一刻我至知道你原來咁鍾意我。」朗尼顯得一臉尷尬，然後起身話：「哦哦，冇做錯事就得喇，我都係走先喇。」姬蒂撲向朗尼獻吻，熱暖嘅朱唇令朗尼為之神魂顛倒。二人愈嚟愈High，及後雙方互有攻守，劇烈嘅動作仲搞到張大床搖擺不定。幸好，張床總算頂到二人雙雙攀上高峰。