經常聽人用「出水芙蓉」嚟形容女生出塵脫俗嘅靚樣，靚樣固然重要，但魔鬼身材亦唔可以冇，咁先至可以做到天使樣貌，同魔鬼身材兼容並濟。既然係咁，點樣嘅女生先至係男士心目中嘅性感女神？今次就帶嚟兩位靚女，分別係中國代表詩梓佳（Kitty）同日本代表川村安奈（Anna），進行大比併！
原因：單從年紀嚟睇，Kitty嘅年紀一定比Anna輕，皆因呢位北京姑娘今年只得廿一歲，比起廿五歲嘅Anna，後生咗四年。不過青春呢家嘢，唔只從年齡嚟計，仲要睇埋個樣係咪咁後生。若然將兩人夾埋一齊睇嘅話，Anna嘅樣貌相當嫩口之餘，仍帶有少女嘅嬌羞味，故此比青春嘅話，日本代表Anna足以跑出！
原因：雖然話Anna對車頭燈有成F cup之巨，條腰仲要細Kitty一吋，但係睇番佢嘅寫真，卻唔多覺有咁激凸。反觀Kitty嘅寫真，呢位D cup索女真係爆到極，加埋個夾出事業線嘅甫士，養眼度實在爆燈！咁嘅身材，再擺埋個出水芙蓉嘅甫士，你話係咪相當矚目先？因此Kitty喺比身材呢一環稍贏一籌。
原因：性感呢家嘢最重要講Feel，點先至可以讓男士有Feel？表情、眼神同肢體動作缺一不可。睇番Anna嘅寫真作品，雖然話佢嘅甫士，可以騷到佢激凸嘅身材，但係講到風騷同惹人遐想，卻及唔上識得利用天賦條件，引到男士有心跳感覺嘅Kitty。不論姣夾事業線，或者嘟嘴表情，都足以引到男士想入非非呀！
士巴拿：我點都撐Anna高一班架！點解？咪就係因為佢個樣夠後生囉！後生嘅索樣，加埋玲瓏浮凸嘅身材，真係好吸引呀！
哥士的：講到出水芙蓉，就梗係Kitty贏一條街啦！皆因呢位靚女好識得擺甫士，狂晒誘人嘅身材，確係索到難以形容架！
出生日期：1986年4月25日
三圍：35F、23、34
身高：160cm
工作資歷：Anna除咗有推出寫真集同水着DVD外，仲以音樂女子組合「April」推出唱片。此外，佢更參加廣播劇同舞台劇演出，瓣數相當多。
出生日期：1990年5月24日
三圍：35D、24、35
身高：168cm
工作資歷：被譽為新生代網絡性感美人嘅Kitty，因為火辣嘅身材，同埋大尺度嘅香艷寫真喺網上走紅。最後埋首於自己嘅新媒體互動短劇，人氣極度爆燈！
撰文：峰魂簫