最近日本有間成人網站，向幾十位AV女優做咗個問卷調查，問佢哋對高科技產品嘅認識，當中佔七成覺得自己部手機已經係高科技產品（佔調查第一位）。家陣啲手機功能咁多，又答得啱喎，但其他答案原來十分搞笑，至於係乜嘢東東，馬上同大家揭盅。
佔第五位嘅係平板電腦，佢哋話一塊紙皮咁薄嘅電子板，就可以上網睇書煲劇兼打埋遊戲，真係十分偉大嘅發明，睇嚟啲AV女優都幾緊貼潮流脈搏。而第四位嘅答案就十分搞嘢，竟然有囡囡話係電動嘅自慰器，女優話家陣啲自慰器，又可以震又可以轉，又可以發熱，有啲仲會噴埋水添，覺得十分神奇；最勁係一啲充電型嘅自慰器，佢哋可以無線使用，用嘅時候仲無聲無息，咁都佔據到第四位，係咪笑鬼死！
第三位就係電玩產品，佢哋話家陣啲電玩產品款式好多，有大有細，細嘅畫面精細，真嘅一樣；至於大嘅遊戲，囡囡可以虛擬地對住空氣打球、打架、打功夫都得，佢哋話絕對係高科技嘅產品。至於第二位，囡囡就話係網上銀行同埋繳費服務，話呢啲絕對係最偉大嘅高科技發明，因為佢哋可以足不出戶，就可以查到自己出糧未，仲可以將啲錢自由調配，又或繳交費用，佢哋話認真快捷方便。女優們嘅選擇雖然搞笑，但又真係起到作用，否則又點會投佢哋一票呢？
撰文：小德