好多女歌手唱功一流，仲非常靚女，之不過美中不足之處，就係佢哋嘅身材偏向纖瘦！不過，日本女歌手就唔同喇！好似濱崎步、倖田來未俱身材一流，而除咗佢哋之外，今年23歲嘅新進歌姬谷村奈南，一副身材更加可以媲美水着女優添。奈南妹於2007年憑住極具感染力嘅聲線以及超一流嘅唱功，而深受樂壇認同。然而，對於日本男人嚟講，可能更加欣賞奈南嘅身材，因為身高5呎5吋嘅阿妹三圍有35-23-34，體態婀娜多姿，上圍仲非常豐滿。由於知道自己身材咁勁，曾經推出寫真集《奈南》，最近決定再下一城，推出新寫真集《WILL》，當中阿妹會大玩未來造型，當然亦會繼續大露嬌美身材，就算唔係佢嘅樂迷，亦一樣要支持呀！