電影《國產零零漆》入面嘅司令話過：「就算係一張廁紙，一條底褲都有佢本身嘅用處。」患有戀物癖嘅人士就特別甚至過分地可以做到呢一點喇！因為佢哋不時收集女性內衣褲返屋企珍藏，對每一件胸圍同底褲都珍而重之。不過，美國最近有位戀物狂徒真係捨得，居然將收藏品棄於公路旁邊。喺美國俄亥俄州一條公路旁邊嘅樹林，突然出現接近三千條女人底褲，大部分被着過。至於點解會有咁多條底褲被拋棄呢？當地警方嘅調查員就估計，可能批底褲來自一位戀物狂徒，將批收藏品亂丟嘅原因依然未明。據我愚見，相信係呢位狂徒屋企冇位放新底褲，所以咪放棄囉。