今日糜博:做愛治失眠

都市人工作壓力大,加上成日飲咖啡醒神,所以失眠情況時有出現,小弟本身就最怕失眠喇。成晚眼光光望住個天花板固然辛苦,不過最慘係第二朝仲要返工寫稿,你知啦,寫稿要用好多腦汁!唔夠瞓,冇精神,個腦自然實晒,到時編輯追稿嘅時候就知淒涼喇。幸而,如果各位男士亦有失眠情況,小弟就推介大家使用一個有效又開心嘅方法,就係做愛喇!較早前有報告指出,男人每做完一次愛,就好似食咗2至3mg分量嘅Diazepam一樣,而呢隻Diazepam正正係安眠藥嘅主要成分,而每粒安眠藥就含有5mg嘅Diazepam。撰文:德