風騷係一種韻味，通常出現於較為成熟嘅女人身上。不過，年輕就唔可以風騷，惹得男人流晒口水咩？未必，好似今日嚟個大比併嘅兩位小公主又後生又風騷，真係正到震呀！
松井繪里奈同徐墨白兩個都係細細粒，以可愛有如小公主嘅打扮行走江湖，兩個都好鍾意穿上性感又色彩斑斕嘅三點式見人。繪里奈於寫真內多以後生女玩煮飯仔嘅情景誘惑男人，而徐墨白就以洗白白期間嘅香艷一面刺激大家，可愛味道兩個都一樣濃，真係鬥得難分難解，所以第一回合平手。
講到風騷入骨，內地佳麗認咗第二，都冇其他國家可以認第一喇。否則邊會有咁多香港男人墮入佢哋嘅愛情陷阱吖！所以鬥風騷，拍寫真時經常咬手指、撥頭髮、抱胸、夾胸嘅徐墨白，就遠勝動作較為生硬又單調嘅松井繪里奈喇。
入到直路，大家鬥一鬥上圍先。雖然松井繪里奈胸圍只得31吋，而徐墨白則有33吋，但係當繪里奈輕輕一夾胸部，就出現一條夠長又夠深嘅胸溝，證明斤両十足，相反纖瘦嘅徐墨白點夾都只係出現丁點胸溝，誰勝誰負已然分曉。
大胖虎：松井繪里奈喺寫真入面，成日都扮食嘢，朱唇半開半合真係令人想入非非，我鍾意！
毛神神：我曾經睇過徐墨白扮可憐嘅寫真，雙眼好有感情，非常惹人憐愛，我作為一個男子漢，梗係鍾意佢多啲啦。
飛越巔Phone：兩個都好難揀，不過繪里奈會秤先少少，因為佢嘅化妝唔會太濃，感覺較為自然。
出生日期：1987年7月4日
身 高：5呎3吋
三 圍：31、23、30
工作資歷：松井繪里奈2006年出道成為水着女優，以氣質可愛嬌俏以及寫真題材多元化而成名。而阿妹出道之前已經係室內女子足球隊嘅成員，所以成為雜誌Miss Magazine嘅水着女優之後，亦同時加盟雜誌屬下嘅室內女子足球隊。另外，繪里奈亦經常被邀請參與電視台嘅綜藝節目，例如係《The Best House 123》以及《QUIZ!HEXAGON II》，可見人氣有番咁上下。
出生日期：1990年8月6日
身 高：5呎3吋
三 圍：33、23、33
工作資歷：杭州美女徐墨白係浙江理工大學08年服裝設計系學生，就讀嘅同時擔任兼職模特兒，同唔少雜誌合作過，多以拍婚紗照為主。雖然徐墨白身材比起一般模特兒矮，但係樣子可愛，可塑性高，所以甚受雜誌同廣告商欣賞，造就佢後來正式成為模特兒。徐墨白曾參加歌唱比賽《快樂女聲》，憑住優秀演出勇奪杭州賽區最人氣印象女聲。
撰文：賢