內地嘅模特兒真係可以用恒河沙數嚟形容，單單係攝影模特兒，都有好幾種，最高級嘅就係廣告模特兒，拍一張相可能收一百幾十萬；其次就係雜誌模特兒，幫雜誌影吓內頁；跟住就係寫真模特兒，專為攝影發燒友服務，而最低層次嘅就係網模。
所謂網模，就係啲照片只會喺網上至見到，其他媒體係睇唔到嘅，最先出現嘅網模，就係將自己嘅自拍照或者朋友拍落嚟照片貼上網，於是有人搵佢哋做寫真模特兒，當攝影作品愈多，點擊同翻貼嘅人大增，就會成為人氣網模，近年多位人氣模特兒就係咁樣進身模特兒界，所以網模呢個途徑，就成為做模特兒嘅一個方法。
最近有網友發現，有應召女郎喺網上報稱自己係專業嘅模特兒，網友唔信嘅話，佢就會畀個網址，登入去後會發現囡囡拍咗十幾輯相，有戶外寫真，亦有影樓作品，堅稱自己係專業模特兒，開價短聚最少三千蚊，但網友話囡囡啲所謂寫真，認真求其，唔似大師拍攝，根本連網模都不如，所以大家遇上自認模特兒嘅囡囡時，認真要小心，千祈咪上當受騙呀！
撰文：小德