最近有老友上東莞玩，佢都醒目，由於係預早訂房，所以有專車喺火車站等佢，佢一落火車就上專車，玩完之後就再坐專車返火車站，以為一定安全，點知就喺落車行去火車站嗰幾十步路，就遇到兩名大漢搶金鏈，之後大叫救命都冇用，當警察嚟到啲賊都已經唔知走咗去邊？事後落口供，警察話呢啲案件最近經常發生，客人落車行嗰幾步路，隨身有冇金鏈，照計啲賊仔好難會留意得到，而佢哋一出手就有斬獲，而且根據記錄從冇搶過啲朱義盛，所以一定係有人預早通風報信。而唯一有機會睇到你換衫嘅人，就一定係骨場嘅Locker仔，佢哋𥄫住客人換衫，有冇戴金鏈自然一目了然，有時讚吓客人條金鏈夠粗，客人都會炫耀一番，知道係真貨，就會通知拍檔，講明幾點鐘到車站，着住乜嘢衫嘅茂利，想唔得手都幾難啦！