小弟有個老友係髮廊常客，早排佢去到主場，諗住睇吓有冇新返囡囡，點知畀佢遇到個舊相好。雖然話係舊相好，但囡囡年紀一啲都唔老，反而係個有波有籮嘅九十後索女！老友當時情傾呢位囡囡，每隔兩三日就會搵佢疏乎，後嚟囡囡話佢過檔某大場夜總會，兩人先至冇聯絡。今次見到故人，老友就好興奮，即時Mark佢入閘。嚟完一次回味床戰後，老友就問囡囡，以佢嘅姿色喺大場絕對有飯開，點解家陣要返去髮廊度做？
囡囡解釋：「因為呢間髮廊嘅燈頭，係當年帶我出嚟嘅人，如果冇佢當年帶我出城，我都冇機會搵到咁多錢，而家陣佢嗌我幫手，加上我遲啲去另一間大場做，所以我咪趁住呢段空檔期，返嚟幫吓佢手囉！」聽囡囡講，佢今次過嚟幫手，雖然可以同燈頭拆得大份啲，但係講到收入，完全冇得同大場相比，故此絕對係想報人情債，先至會過嚟客串。聽完老友講呢件事，大軍忽然有啲感嘆。因為我經常聽啲燈頭喺度呻，家陣嘅後生女，帶咗佢哋出身後，只要有好路數就會一腳飛起佢哋。依家仲有啲講情嘅囡囡，真係買少見少喇！
撰文： 大軍