濃耳痕：我最近發現女朋友有第三者，而呢個第三者，好大可能就係我個親大佬，我應該點算好呢？應該搵佢哋出嚟講數，定係自己退出好呢？有冇人幫吓我呀？
大滿灌：計我話一於約佢哋出嚟講清楚，冇嘢當然冇事，萬一有嘢，一定要同佢哋死過，再唔係屈佢一千幾百萬都好，如果冇錢，最少都打佢一身，以洩心頭之恨。
大褲貴：凡事以和為貴，攤牌只可以係最後一步，現階段最好畀多啲時間大家，你就多啲觀察吓，睇吓事件係咪去到咁嚴重，如果係誤會就最好，萬一冇彎轉先至退出啦！
褲櫃妹：女朋友係自己嘅，老虎都要爭返嚟，你話到時唔要就另一回事，所以依家一於發動攻勢，誓要將女朋友拉回身邊，白白將女朋友送畀人，邊有人咁蝕底架！