人人嘅口味都好唔同，就以揀囡囡為例，有啲人鍾意搵年輕少女陪玩，有啲就對狂野艷女情有獨鍾，而仲有老友就偏愛人妻，雖然比較冷門啲，但仍不乏粉絲，於是喺上海有老闆開咗間高檔架步，專門提供高質少婦秘密約會服務。
呢間位於上海嘅架步，只係一間中介公司，喺裏面掛單嘅囡囡，全部都係已婚嘅少婦，據知佢哋只有喺日頭先出嚟兼職，據知情人士阿樂表示：「呢間風俗店喺上海相當受歡迎，尤其一班已婚嘅大老闆，晚晚夜蒲都嫌唔夠過癮，家陣喜歡日光日白嚟偷跳，佢哋話咁至有味道。」真係估佢哋唔到，此外，為免畀人放蛇，佢哋嘅交易過程都幾秘密吓，客人經朋友介紹登入佢哋嘅網址，之後挑選囡囡，再用電子貨幣畀錢，全部電腦化進行，可謂神不知鬼不覺。
大約三十分鐘後，揀好嘅人妻，就會去到客人指定嘅酒店房進行服務，阿樂認為，咁多人喜愛幫襯呢間公司，主要都係抱着一種心態，就係喜歡搵人哋嘅老婆嚟開心，心理上覺得刺激之餘，仲能夠藉此獲得最大嘅滿足感，所以囡囡介紹欄裏面，除咗有囡囡嘅照片外，仲有埋佢張結婚證，證明真係人妻，童叟無欺，認真諗得周到。阿樂話：「所有人妻喺入職時，均經過嚴格挑選，年齡介乎廿五至三十五歲之間，無論樣貌及身材都屬頂級質素，而且身上要毫無撈味又識打扮。」
真係聽見都零舍吸引，至於性技方面，呢班人妻早已經驗豐富，但老闆仲再搵專人嚟進行訓練，所以個個都身懷絕技，任勞任怨，令客人感受到非一般享受。至於呢班人妻，點解會出嚟客串，無非係因為生活問題，想賺多啲錢，但又怕畀老公知道，所以佢哋唔會日日開工，一個月最多做四五次，因此更引起玩家們嘅興趣，認為係正宗住家菜。至於收費方面，短聚千五大元，雖然好乸脷，但仍然大把老闆捧場，咁又係，除咗老闆，日光日白邊個唔使返工吖！千五大元對呢班老闆嚟講，絕對值得。
撰文：賢