有性慾當然要解決啦，否則谷住谷住好傷身。之但係終日喺床上拍戲嘅脫星就剛好相反，事關日以繼夜砌到麻木，性慾係點佢哋都未必記得！難怪入行五年多嘅脫星Natalie Vegas，早前就參加坊間一個性慾培訓課程，希望可以重拾性趣啦！
撰文：祖
脫星去參加性趣培訓課程除咗侮辱仲好搞笑，但Natalie Vegas話已別無他法，皆因佢請教過前輩、尋求專業醫生意見，奈何都苦無良方，決定連平民百姓嘅課程都唔放過，咁究竟又有乜得着呢？阿妹劈頭第一句就話：「冇，課程所教嘅方法連小學生都識，亦即係性愛ABC咁簡單，因此我上完第一堂課程後就再冇參加，雖然如此，我認為男女都應該多參與呢類課程，事關堂內導師會利用時下四仔講解，例如調情技巧，前奏玩法及體位使用，對色情男女及業界都有莫大幫助！」明白，原來係有利益關係，難怪Natalie Vegas咁鼓勵男男女女去參加啦！
之不過有小道消息指Natalie Vegas之所以冇完成課程就走人，皆因被現場參加者認出佢係脫星，有咁啱得咁蹺，當日課程播嘅第一部四仔正係阿妹作品，莫非係怕尷尬？佢解釋：「唔關部四仔事，但的確係有在場男士認出我嘅脫星身份，而佢哋亦有向我提出上床要求，希望藉此交流心得，可惜當我見到佢哋嘅外形，就算再有性慾都難以接受同佢哋交流，即使係十個一齊上都唔願意。因此為免令我性慾再不斷下跌，離開係唯一選擇！」報讀性愛課程無非想保性趣，依家反而連搞都不願，睇怕Natalie Vegas往後嘅日子都幾難捱，隨時收檔都唔出奇噃！
出生日期：1990年5月13日
三圍：34D-26-36
身高：5呎4吋