大家都想金屋藏嬌，十年前喺內地包個二奶，只要幾千蚊就乜都夠晒，而且生活美滿，食好着好，餐餐都可以大魚大肉，但家陣幾千蚊，想搵大城市嘅囡囡跟你都幾難，事關家陣物價高漲，幾千蚊對佢哋嚟講，一啲都唔吸引。一個人喺城市生活都唔係好夠使，如果兩個人，簡直就係捱苦，而且內地近年工資已經翻咗兩番，佢哋辛苦啲做嘢，都有幾千蚊一個月，仲使乜跟你嚟捱苦，特別係做夜場嘅囡囡，單做三陪唔出街，一日都有三百蚊枱費，月入近萬，如果肯出街則收入更多，而骨女就更高，每個客拆到三百，假定日做兩客，日薪都有六百，月入萬八蚊，所以同啲當打嘅囡囡講話想佢哋做二奶，冇成萬蚊你都唔使旨意，當然唔搵夜場女，向啲售貨員同服務生埋手，咁可能幾千蚊都有交易，但真係要捱苦囉！所以話二奶唔易養呀！