好多老友都話，做女人嘅生意相當好搵，好似淨係內褲已經有上百款，講到胸圍嘅款式就更多，又話承托型，又話魔術型，按唔同需要，就有唔同嘅類型，一個女性分分鐘擁有十幾個唔同款式嘅胸圍，咁你話女性嘅生意係咪好好做呢？至於喺夜店工作嘅囡囡又點睇呢？最近我大軍就同幾個骨女傾開呢個問題，佢哋都異口同聲話，佢哋買內衣褲嘅時候，從來唔會揀啲平貨嚟買，只會買一啲高級嘅內衣褲嚟着，即使一套要成幾百蚊，甚至上千蚊，佢哋都在所不惜。囡囡話步入中年，身材就會開始走樣，要保持住美好嘅身材，內衣褲嘅品質好唔好，就成為關鍵，加上一套名牌內衣，當囡囡着出嚟嘅時候，自信心都大啲，客人嘅反應都會唔同啲，所以佢哋話就算花多多錢，都要買啲貴價名牌內衣褲着，就係咁嘅原因啦！