內地嘅高級會所，向來都係富豪嘅聚腳地，佢哋每晚一擲千金，要玩乜就玩乜，喺度返工嘅三陪囡囡，只可以順應客人意願，即使面對無禮嘅對待，都惟有逆來順受，但係咪個個囡囡都可以忍受得到，有時真係未必架！
現年二十歲嘅阿花，喺長沙長大，由於學歷不高，只能做售貨員、侍應等收入唔多嘅工作，早前得到朋友介紹，嚟到一間全市最高級嘅會所入面任職女公關，話明賣藝不賣身，但不到數月，已經搞到體無完膚。佢話：「最初以為做小姐，只係陪客人唱吓歌、飲吓酒，最多畀人抽吓水，啲錢會好易賺，點知情況啱啱相反，記得第一日開工，就遇上咗幾個麻煩嘅客人，佢哋雖然好捨得使錢，但弊在玩得太癲，佢哋出一千蚊要我當眾剝光豬跳舞，我拒絕嘅時候，佢哋即時變臉對我呼呼喝喝。」
咁後嚟又點呀？阿花話：「佢哋根本唔當我係人，最後氣氛有啲僵，好彩有個姊妹捱義氣幫我頂上，佢唔只剝晒光豬，仲要擘開大腿，畀班客人評頭品足，感覺真係好難受。」雖然首日開工，就遇上咁悲慘嘅遭遇，但阿花仍然未有放棄高級會所嘅三陪工作，當然，一切都係因為個「錢」字。阿花話：「喺度做小姐，陪客人坐枱嘅小費，每晚最少都有五百蚊，拆一百畀公司，五十蚊畀媽咪，自己可以袋三百五蚊，一個月可以有過萬蚊嘅收入，係辛苦啲，都覺得冇乜所謂。」
玩得過分嘅客人，究竟多唔多呢？阿花話：「依家啲客人普遍都玩得好癲，除逼人剝光豬、跳艷舞之外，仲試過同時畀幾個客人圍攻抽水，感覺直頭好似畀人侵犯一樣，認真慘情。不過最恐怖就係有個客人飲大咗，竟強迫我喺貴賓房入面就地正法，表演畀大家睇，我梗係唔制啦！點知佢見我唔肯就範，竟然大吵大鬧，好似想食人咁款，最後我惟有連飲三大杯威士忌賠罪，才幸免於難！」最後仲係要開房賠罪，打爛埋唔賣身嘅招牌，但點都好過做騷表演畀人睇，所以話三陪唔易做呀！
撰文：小德