NBA進入最後直路梗係好睇啦！但原來坊間嘅籃球仲好睇，皆因佢哋玩裸體！芝加哥一個室內私人籃球場，年多前就開辦女子裸體籃球訓練班，由專業男性教練負責教授籃球技術，每年更會舉辦裸體籃球比賽，邀請觀眾入場欣賞。
究竟點解會有裸體籃球出現，又裸體玩波有乜好處？據講籃球場業主原來係四仔集團老細，本想將籃球場改建為四仔片廠，但其後發現以裸體籃球作題材嘅四仔大賣特賣，結果籃球場得以「保育」，繼續用作拍四仔。另一方面，「鹹球場」成為地標後，片商就於外牆貼上招聘脫星廣告，令不少外地妹豬誤以為有裸體籃球訓練班，片商將錯就錯，決意開辦有關課程！
你可以笑班妹豬蠢，但多得佢哋蠢同大方至有今日裸體籃球賽出現，咪以為佢哋姐手姐腳，落場志在騷「波哋」，查實佢哋好認真，埋身鬆鬥批場面周時出現，輸波更會爆粗發老脾，咪以為好惹！而落場球員認為裸體籃球最能擺脫身上枷鎖，可全心全意投入運動，加上運動量大，對瘦身有顯著功效喎！
撰文：祖