古時就話女子無才便是德，但係家陣就唔同喇。好似女歌手咁，唔單只要唱功了得，個樣同身材又要睇得，最好仲要識得作曲填詞。內地嫩模亦一樣咁高要求，因為佢哋除咗要拍硬照，有時仲表演埋唱歌跳舞，娛樂嘉賓觀眾，而侯芊浥就一定冇問題喇。
現年24歲嘅嫩模侯芊浥，除咗樣子美艷動人，仲生得一副34-23-34嘅好身段，最唔抵得係佢經常拍內衣廣告，不畏酥胸半露嘅專業演出，令人敬佩嘅同時亦流晒口水。不過，大家唔好以為侯芊浥得個樣喎，因為阿妹佢真係瓣瓣皆能。
畢業於北京電影學院嘅侯芊浥能歌擅舞，演戲又有水準，仲識得寫小說同劇本添！當然，侯芊浥咁索，梗係搵佢做演員居多喇，內地電視劇《神探狄仁傑》、《夢回青河》以及《橘子紅了》佢都有份演出o架。
網址：http://www.moko.cc/0210ff
撰文：賢