唔知大家識唔識得一啲玩家，好鍾意翻啅舊菜呢？唔係翻啅幾次嗰啲，而係啅咗幾年嗰啲喎！我身邊就有個老友，佢啅咗個囡囡幾年，從佢由桑拿場，轉戰到夜總會，再到高級嘅俱樂部，佢都追住咁啅。當然囡囡轉咗咁多次場，價錢都有幾級跳啦！我就曾經問老友啅嚟啅去都係嗰件囡囡，價錢仲要愈嚟愈貴，須知道車都會折舊，更何況係女？老友笑道：「啅開有感情嘛！更何況大家咁熟，玩得更加放嘅。」
早排見番呢個老友，問佢仲係咪成日幫襯舊菜，點知佢話冇幫襯佢好耐！莫非喺佢嘅多年助養下，囡囡終於可以上岸，或者已經做咗人妻？佢搖頭苦笑道：「梗係唔係啦！佢仲喺××夜總會度做緊。」唔通佢終於醒覺，出嚟玩最緊要試新嘢？佢就話：「唔係！話說我去年幫襯佢，完事後佢突然問我可唔可以送個名牌手袋。我出嚟玩啫！又唔係養女，就梗係冇應承佢啦！佢好不滿話，家陣佢啲客個個都好豪，送手袋、手錶都係閒事。結果嗰次之後，佢嘅招呼愈嚟愈差，最後我只好忍痛放棄佢囉！」玩家長情又點呢？囡囡始終都係從現實角度出發，任你幾長情都冇用。老友，睇開啲啦！
撰文：大軍