內地黃業禁之不絕，只會愈揭愈多，愈揭愈爆！就早幾日上海市閔行區又爆出湧現大批髮廊，街坊話數量之多儼如紅燈區喎！有關當局即時做嘢，之不過距離不遠嘅杭州，竟出現髮花賓館，廿四小時接客，未知你幾時拉呢？
呢鑊斷正嘅上海髮廊區，警方事後表示勸喻居民唔好將單位租予經營髮廊人士，講就輕鬆，你唔租？大把地方租！就好似杭州市某區一間髮花賓館，有指當地居民早就知佢哋存在，不過囡囡冇喺街上拉客，玩家亦冇搞事，所以街坊隻眼開隻眼閉過關。而之所以叫「髮花賓館」，據稱當年賓館的確租予當地經商人士，無奈附近太多髮廊，掃黃次數太多，結果髮廊消失，推晒上樓繼續經營，有人更表示賣淫集團早已買起賓館，因而有此稱號。
入賓館嘅人客，十居其九係嫖友，淨低一位肯定係囡囡，事關呢幢五層樓高，約四十間套房嘅賓館，外表及內籠已非常殘舊，但人客志不在此，入到大堂後詢問職員，然後就可大搖大擺上房。
有玩家表示，賓館五層都住滿髮花，為數約有三十名，分布於不同樓層，餘下房間並無租出，更有保安員把守，以防人客搞事。玩家話：「入酒店玩就好似返屋企咁輕鬆，先於大堂電腦睇相簿，揀啱後職員會用電話通知房間內囡囡準備，之後人客去櫃枱付錢後上房，上樓途中唔會有人招呼，不過大堂有幾位男人看守，一睇就知來者不善。」呢種自助式服務實情同本地集團一樓一無分別，入房後囡囡冇特別招呼，簡單沖涼後就「入閘」，理由在於一百五十元肉金，因此嫖友都清楚只求為一洩。
至於囡囡質素就更冇得要求，玩家稱所有人必須於大堂揀好女方可上房，假如抵達樓層後亂敲門，隨時有保安出嚟「招呼」你！髮花賓館至今未被拉人封艇，有內地玩家認為係基於經營模式「密不透風」所致。「雖說係對外開放，人客自出自入，但嫖妓過程中你永遠只見到一位囡囡，更冇雞頭強迫你『入閘』，相反整個過程有人代為安排，系統完善，若然玩家係三五知己嘅就唔會入去玩，選擇沖涼揼骨好過！」吸引嫖友到訪除咗平之外，更因為髮花廿四小時「恭候」，方便至此點會唔大收旺場呢！
撰文：祖