利用網絡抹黑他人並非係科技界專利，喺脫星界亦屢有發生，目的在於破壞他人名譽而提升自己，但學似脫星Penny Mathis咁，抹黑自己嚟提升知名度，就真係有啲奇！
正常人要借助網絡抹黑他人，必定係有咁衰講咁衰，老作誇大臭罵人身攻擊應有盡有，喺脫星界超常見，例如脫星話同行有性病，假波凹陷、床上失禁數之不盡，四仔界都見怪不怪，甚至當笑話一笑置之，而脫星Penny Mathis剛好相反，鍾意自我數臭。
早前Penny Mathis被踢爆請槍抹黑自己，定時喺網絡更新臭史，由最初話自己扮大牌開工遲到，到片場怒摑男優，升級到同導演上床換戲，同姊妹開性派對招呼老細，到今日終極版話勾人老公兼結婚生女，真係鑊鑊新鮮o架！但按慣例，Penny Mathis每次被傳媒追訪都表現得三緘其口，一於唔回應，任得八卦雜誌繼續老吹！可惜紙包唔住火，未知係阿妹拖數，槍手爆大鑊，還是人氣不足，但緋聞十足，傳媒開始私下起佢底！
最終成人網站搵到Penny Mathis槍手爆料，對方大膽表示，所有抹黑材料都係應阿妹要求撰文，然後再化身萬千網民身份回應，更要求槍手有咁臭時寫咁臭，方便佢被訪問時扮苦主喎！哈哈，原來阿妹有啲咁嘅賤招出位，佢不但搵人寫臭自己，更希望利用傳媒之力，轉移視線影射爆料者，難怪每位同佢合作過嘅男女脫星，事後都列作嫌疑犯，冇人敢埋身，Penny Mathis呢招借刀殺人都算無懈可擊囉！
而Penny Mathis自我抹黑的確非常成功，翻查資料近三年，阿妹都係靠負面新聞上位，可惜家陣被人踢爆，究竟佢會雙倍奉還，抑或又係另一個高潮開始呢？
出生日期：1985年3月21日
三圍：36DD、26、34
身高：5呎5吋
撰文：祖