今日介紹一位嚟自陝西西安嘅小美人畀大家認識，名字叫做張薇佳，呢個真名對網友嚟講，相信比較陌生，反而佢嘅網名「丫丫」，就唔少網友都聽過，事關佢嘅相片，經常喺網上流傳，點擊率之高絕對可以入到十名之內。今年23歲嘅丫丫家陣住喺北京，經常有機會接觸到拍攝工作，所以佢嘅作品都有唔少，而且佢好鍾意自拍，喺佢嘅網頁上，有過半數嘅攝影作品，都係出自佢嘅手筆，形象算係百變，只嫌大賣性感嘅噴血照唔係好夠。
又難怪嘅，丫丫都冇心入娛樂圈，入行純係玩票性質，所以佢影嘅相純粹係貪得意玩吓，只係誤打誤撞闖出名堂。但為咗廣大粉絲應該好趁青春留倩影，特別係夏天快到，阿妹應該拍多啲性感噴血寫真，等廣大網友永遠都唔會忘記你呢個網上紅人嘛！
噴血度：3.5
養眼度：3.5
百變度：4.5
評分（以五分為最高）
網址：http://blog.sina.com.cn/yaya0528
撰文：小德